2011 год на Беларусі быў аб’яўлены годам Максіма Багдановіча, 120-годдзе з дня нараджэння якога, шырока адзначалася ў грамадскім і культурным жыцці нашай краіны. Гэтай даце і была прысвечана чарговая сустрэча ў літаратурна-музычнай гасцінай “Святліца”, якую арганізавала кіраўніцтва бібліятэкі суместна са студэнцкім клубам і аддзелам па выхаваўчай рабоце сярод моладзі. Сустрэча праходзіла ў канферэнцзале, дзе сабраліся студэнты першага курса факультэтаў ветэрынарнай медыцыны і інжэнерна-тэхналагічнага.
Знакаміты паэт, публіцыст, перакладчык, классік беларускай літатратуры і адзін са стваральнікаў беларускай мовы, Максім Адамавіч Багдановіч нарадзіўся ў Мінску і некаторы час свайго ранняга дзяцінства жыў у нашым горадзе, у доме, дзе зараз працуе музей М. Багдановіча. Наша зямля беларуская славіцца многімі імёнамі знакамітых пісьменнікаў, паэтаў, пачынаючы ад Ф. Скарыны да нашых сучаснікаў, але сярод іншых, імя Максіма Багдановіча сапраўды свеціць нам нязгаснай зоркай, якая высвечвае і па сёняшні дзень непаўтоўрную красу яго літаратурнай спадчыны: лірычныя вершы, санеты, паэмы, прозу, пераклады на беларускую мову нямецкіх і французскіх паэтаў. Перыяд яго жыцця вельмі кароткі, 26 год ўсяго, але і за гэты час ён паспеў зрабіць вельмі многа, як ніхто іншы, для беларускай літаратуры. Яго ўклад у жанравую разнастайнасць беларускай літаратуры абгрунтавана параўноўваюць з тым укладам, які зрабіў А. С. Пушкін у літаратуру расійскую. М. Багдановіч пакінуў нам багатую спадчыну сваіх твораў. Па сапраўднаму яскравыя, яны тояць вялікае багацце думак і пачуццяў, якія зліліся ў асобны паэтычны талент, аддадзены без астатку на служэнне свайму народу. І нельга не пагадзіцца з В. Быкавым, які адмеціў, што шляхі-дарогі роднага краю ў многім уплываюць на шлях чалавечага жыцця, асабліва калі гаворка ідзе пра жыццё паэта, пра вытокі яго душэўнай і паэтычнай сутнасці.
Аб гэтым усім і ішла гаворка на сустрэчы ў літаратурна-музычнай гасцінай “Святліца”.
Пад час сустрэчы гучалі вершаванныя радкі з паэтычнага зборніка “Вянок” і іншыя лірычныя вершы паэта, якія чыталі удзельнікі літаратурна-творчага гуртка “Проба пяра”, а таксама, слухаліся асабліва вядомыя музычныя кампазіцыі і песні на вершы паэта, з музыкальнага альбома ансамбля “Песняры”, напісаныя у свой час У.Мулявіным: раманс “Зорка Венера”, “Вераніка”, “Слуцкія ткачыхі ”, “Лявоніха” і іншыя.