Студэнты і супрацоўнікі мелі магчымась сустрэцца з дэлегацыяй рэспубліканскага грамадскага аб’яднання “Саюз пісьменнікаў Беларусі” і пазнаёміцца бліжэй з іх сучаснымі творамі і новымі кнігамі. Сярод пісьменнікаў былі: старшыня Савета Беларускага рэспубліканскага фонду, празаік і публіцыст – Славамір Валер’янавіч Антановіч, празаікі: Ірына Віктараўна Леонава, Ірына Аляксандраўна Масленіцына, малады паэт, член Праўлення Саюза пісьменнікаў Беларусі, адказны сакратар часопіса “Маладосць” – Рагнед Юр’евіч Малахоўскі, паэт, супрацоўнік часопіса “Вясёлка” – Анатоль Мікалаевіч Зэкаў. Суправаджалі гасцей: гродзенская паэтэса – Ала Дзмітрыеўна Нікіпорчык і намеснік начальніка ўпраўлення Гродзенскага аблвыканкама – Ірына Браніславаўна Сцепененка.
На сустрэчы панавала вельмі прыемная і цёплая атмасфера. З вялікай зацікаўленнасцю студэнты слухалі публіцыста і, як аказалася, нашага земляка, бо родам са Шчучынскага раёна, Славаміра Антановіча, урыўкі з новай кнігі Ірыны Леонавай (Анны Лео) “Одарённые натуры” і аповесці-эсэ “София Слуцкая” Ірыны Масленіцынай, з задавальненнем ўспрымалі вершаваныя радкі пра каханне маладога, беларускага паэта Рагнеда Малахоўскага і з непадкупнай весялосцю і душэўным пад’ёмам гумарыстычныя вершы Анатоля Зэкава. Адчувалася, што студэнты з прыемнасцю і ўвагай слухаюць кожнае выступленне.
У фондзе нашай бібліятэкі знайшліся выданні Славаміра Антановіча – “Пётр Машэраў” і “Призраки Можейковской крепости ”, на якіх аўтар пакінуў свой аўтограф. Па адной, са сваіх апошніх новых кніг, з подпісамі, заставілі ў падарунак для бібліятэкі ўніверсітэта Ірына Масленіцына і Ірына Леонава (Анна Лео - псеўданім), два зборніка вершаў – Рагнед Малахоўскі.
Не з дарма гэты год ў Беларусі – Год кнігі і такія творчыя сустрэчы вельмі жаданыя і карысныя, яны на доўга застаюцца ў памяці. Важна, каб кожнае новае выданне беларускіх аўтараў знайшло свайго чытача.
У канцы сустрэчы студэнты, ў знак удзячнасці і павагі, паднеслі гасцям кветкі, з пажаданнямі новых творчых поспехаў і новых твораў.
Трэба адзначыць, што аддзелам па выхаваўчай рабоце з моладдзю, студэнцкім клубам і безумоўна бібліятэкай універсітэта не толькі ў гэты год, але і штогод арганізоўваецца шэраг мерапрыемстваў звязаныя з кнігай. Гэта і сустрэчы студэнства з сучаснымі пісьменнікамі і паэтамі Гродзеншчыны ў літаратурна-музычнай гасцінай “Святліца”, гэта і арганізацыя літаратурнага конкурсу сярод студэнтаў “Чатыры радкі”. Толькі з пачатку гэтага года, нашы студэнты сустракаліся з такімі гродзенскімі пісьменнікамі і паэтамі як: Людміла Кебіч, Тамара Мазур, Людміла Шаўчэнка, Дзмітрый Радзівончык.
Год кнігі працягваецца і, безумоўна, творчыя сустрэчы з нашымі беларускімі пісьменнікамі будуць праходзіць і далей.
Фоторепортаж:
{phocagallery view=categories|categoryid=9|imagecategories=1|imagecategoriessize=5}
Надзея Хадатчук, дырэктар бібліятэкі
